Azərbaycan Kinematoqrafçılar İttifaqının cari il yanvarın 31-də elan etdiyi “Arxa cəbhənin insanları” adlı qısametrajlı bədii film ssenarisi müsabiqəsinə ssenarilərin qəbulu bu gün dayandırıldı.

1 may tarixindən sonra göndərilən ssenarilər müsabiqəyə buraxılmır.
3 ay davam edən qəbul müddəti ərzində info@aki.az elektron poçt ünvanına 47 ssenari daxil olub.

Müsabiqənin əvvəlində qeyd edildiyi kimi, I tura keçid almış ssenarilər 1 iyul 2024-cü il tarixində, qalib ssenarilər isə 2 avqust 2024-cü il tarixində elan olunacaq.
I turun nəticələri elan olunanda, müsabiqənin münsiflər heyətinin tərkibi də açıqlanacaq.

Qalib ssenarilər üçün müəyyən olunmuş pul mükafatları I yer – 2000 AZN, II yer – 1500 AZN, III yer – 1000 AZN təşkil edir.

Bütün müəlliflərə təşəkkür edir və uğurlar arzu edirik.