Yeni funksiya vasitəsi ilə istifadəçilər internet bağlantısı olmadan belə sənədlər, media və digər faylları kontaktlarına ötürə biləcəklər.

“WhatsApp”ın yeni oflayn fayl paylaşma xüsusiyyəti “Yaxınlıqdakı insanlar” adlanır. Bu xüsusiyyət məşhur “Android” seçimi “Nearby Share” və “Apple AirDrop” kimi işləyəcək.

“Yaxınlıqdakı adam” funksiyası hazırda inkişaf mərhələsindədir və sonuncu dəfə “Android beta” versiyasında görünüb.

Bu xüsusiyyətin iOS istifadəçilərinə gəlib-gəlməyəcəyi və ya “WhatsApp”ın bu funksiyanı bütün istifadəçilərə nə vaxt təqdim etməyi planlaşdırdığı hələlik bəlli deyil.