Ümumi təhsil müəssisələrində fəaliyyət göstərən məktəbəhazırlıq qruplarında təhsil alan uşaqların yerdəyişməsi prosesi dayandırılacaq. 

Məktəbəhazırlıq qruplarında təhsil alan uşaqların yerdəyişməsi prosesi aprelin 3-ü saat 17:00-dadayandırılacaq. 

Eyni zamanda 18 və 19 may tarixlərində ölkə üzrə IV və VI siniflərdə təhsil alan şagirdlərin nailiyyətlərinin qiymətləndirilməsi məqsədilə monitorinqlər təşkil ediləcək. Monitorinqə hazırlıq zamanı şagird yerdəyişməsi hallarının olmaması üçün aprelin 15-i saat 17:00-dan IV və VI siniflər üzrə də yerdəyişmə prosesi dayandırılacaq.

Qeyd edək ki, yerdəyişmə prosesi www.sy.edu.az portalı vasitəsilə həyata keçirilir.