Baklnın mərkəzində yerləşən Hökumət evi, Qış parkı və Mərkəzi parkda yeraltı avtomobil dayanacaqlarının xidmət haqqları kəskin artım gözlənilir.

Qış Parkında fəaliyyət göstərən yeraltı dayanacaqlar üçün aprelin 1-dən tətbiq olunacaq yeni tariflər müəyyən edib.Gündəlik tariflər aşağıdakı kimi olacaq:

Eyni tarixdən etibarən Azadlıq meydanındakı yeraltı dayanacaqda avtomobil park etmək üçün yeni tariflər tətbiq olunacaq.

Burada qiymətlər dahada yüksək olacaq: 0-1 saat üçün 1 AZN, 1-3 saat üçün 2 AZN, 3-6 saat üçün 3 AZN, 6-12 saat üçün 5 AZN, 12-24 saat üçün 10 AZN ödəniş tələb olunacaq.

Belə ki, Qış Parkı yeraltı dayanacağının xidmət tarifləri 1 saat 1 AZN, 3 saat 2 AZN, 6-9 saat 4 AZN, 12-24 saat isə 8 AZN olduğu halda, burada müvafiq olaraq 2 AZN, 3 AZN, 5 AZN və 10 AZN təşkil edəcək, yəni bəzi hallarda iki dəfəyədək daha baha qiymətə başa gələcək.

Bundan başqa, təklif olunan aylıq paketə görə, hər gün 12 saat maşını park etmək üçün 100, 24 saat üçün 140 manat ödəniləcək. “Qonşular” paketinə görə 75 AZN ödəniləcək.

Qış Parkı yeraltı dayanacağı ilə müqayisədə Azadlıq meydanındakı dayanacaqda aylıq paketlərin qiymətləri 20-25 AZN yüksəkdi.

Fed.az-ın Azərbaycan Yerüstü Nəqliyyat Agentliyinə (AYNA) istinadən verdiyi məlumata əsasən, AYNA-nın balansında olan yeraltı parklanma məntəqələrində yeni aylıq tariflərə əsasən qiymətlər bir gün üçün 1 manat 66 qəpik–4 manat 66 qəpik arasında dəyişir. Hətta ən yüksək aylıq tariflə bir saata görə ödəniş 20 qəpik təşkil edir: “Qeyd edək ki, Hökumət evi, Qış parkı və Mərkəzi parkda yeraltı parklanma məntəqləri üzrə parklanma fəaliyyətindən daxilolmalar xərcləri tam qarşılamır. Parklanma məntəqələrində mövcud avadanlıqlar (lift, eskalator, ödəniş terminalları, yanğından mühafizə sistemi və s.) qeyri-qənaətbəxş vəziyyətdədir, təmiri və yenilənməsi üçün əsaslı vəsait qoyuluşu tələb olunur. Həm yaranan zərərin azaldılması, eləcə də əhaliyə göstərilən xidmət səviyyəsinin artırılması məqsədilə mövcud tariflərin dəyişdirilməsi məqsədəuyğun hesab edilib”, – deyə bildirilib.

Qeyd edək ki, Azərbaycanda rəsmi orta aylıq əmək haqqı ilə işləyən avtomobil sahibi üçün 9 saatlıq iş günü üzrə ayda 100-125 AZN dayanacaq haqqını ödəmək qeyri-rentabeldir.

Son zamanlar AYNA-nın açıqlamalarını və planlaşdırdığı tədbirləri təhlil edərək, belə nəticəyə gəlmək olar kı, paytaxtın mərkəzində və ətrafında müşahidə olunan nəqliyyat vasitələri sıxlığını və tıxacları azaltmaq məqsədi ilə avtomobil sahibləri öncədə qeyd edildiyi kimi, metro və dəmir yolunadək gələrək oradan ictimai nəqliyyat xidmətlərindən istifadə etməyə və piyadalaşma prinsiplərinə uyğun şəkildə hərəkət etməyə, ehtiyac olmadıqca şəxsi nəqliyyat vasitəsi ilə hərəkət etməməyə sövq edilir.

Lakin burada ictimai nəqliyyatın əlavə sərnişinləri qəbul etməyə nə dərəcədə hazır olması məsələsi vacib məqamdır, çünki sosial şəbəkələrdə paylaşımlar göstərir ki, hazırda metro və avtobuslar pik saatlarında sərnişin axınının öhdəsindən çətinliklə gəlirlər, avtomobil sahibləridə ictimai nəqliyyata üz tutduğu halda vəziyyətin necə dəyişəcəyi suallar doğurur. Ola bilsin ki, pik saatlarında tıxaclar azaldıqca avtobusların hərəkəti daha sürətlə və gecikmələrsiz təşkil edilərcək, metronun sərnişin yükü nisbətən azalar. Əks halda isə pik saatlarda ictimai nəqliyyata əlavə sərnişin axını vəziyyəti dahada gərginləşdirə bilər.