Azərbaycanda rəqəmsal məcəllənin qəbul ediləcəyi gözlənilir.

Trend-in verdiyi məlumata əsasən, bunu Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyinin (IRIA) müşaviri Şahin Əliyev 2023-cü ilin yekunları və 2024-cü il üzrə hədəflərə həsr olunmuş mətbuat konfransında deyib.

“Bu il rəqəmsal məcəllənin, rəqəmsal inkişaf konsepsiyasının, informasiyanın idarə olunması strategiyasının, süni intellekt strategiyasının, elektron hökumət informasiya sisteminə dair müddəaların və rəqəmsal sənədlər haqqında qanunvericiliyin qəbul edilməsi gözlənilir”, – o deyib.

IRIA-nın İnnovativ Ekosistem şöbəsinin rəhbəri Yevgeniya Bikmurzina tədbirdə qeyd edib ki, qurumun 2024-cü il üzrə müəyyən etdiyi hədəflərdən biri identifkasiya fondunun yaradılmasıdır.

“IRIA 2024-cü il üçün aşağıdakıları hədəfləyir: identifikasiya fondunun yaradılması, bundan başqa azərbaycanlı təsisçilər üçün 10 milyon ABŞ dolları dəyərində fondun yaradılması, biznes mələkləri və vençur fondları ilə 38 investisiya sazişinin imzalanması, daha bir biznes mələkləri klubunun açılması”, – o deyib.