Beynəlxalq Qadınlar Günü ərəfəsində etiket mütəxəssisləri rəfiqələrə və həmkarlara hansı hədiyyələrin verilməli olduğunu, hansı hədiyyələrdən qaçınmaq lazım olduğunu, yersiz və ya bəyənilməyən hədiyyəyə necə reaksiya verməli olduğunu bildiriblər.

Həmkarlara ətir, həmçinin şəxsi gigiyena məhsulları, şampun və ya dezodorant hədiyyə etmək qeyri-etik davranış kimi qəbul edilir, lakin parfümeriya və kosmetika dükanının hədiyyə kartı istisnadır, çünki burada seçimi artıq qadın özü edəcək. Üstünlüyü çiçəklərə və şirniyyatlara vermək tövsiyyə olunur. Qadın bayramda uyğun olmayan bir hədiyyə alırsa, narazılığını açıq şəkildə ifadə etməsə daha yaxşıdır.

Şüurlu seçim

Etiket ekspertləri 8 Mart üçün hədiyyə seçərkən bir çox amilləri nəzərə almaq lazım olduğunu qeyd edirlər: həmin adam sizə nə qədər yaxındır, neçə yaşındadır və zövqü nədir.

“Kosmetikaya gəlincə, qadınlar və qızlar belə hədiyyələri yüksək qiymətləndirirlər, amma şampun, dezodorant və s.-dən danışırıqsa, bu yaxşı deyil. Kosmetika hədiyyə ola bilər, lakin bu orijinal nadir tapılan suvenir dəsti olsa daha yaxşı olar”, – deyə ekspertlər deyirlər.

Hazır kosmetik dəstlər hədiyyə kimi o qədər də cəlbedici sayılmır və hər kəsin fərqli üstünlükləri olduğu üçün ətir məsələsində diqqətli olmaq lazımdır.

Etiket və biznes protokolu üzrə müəllim-məsləhətçilər qeyd edir ki, hədiyyə verdiyiniz qadınların zövqünü yaxşı bilməniz lazımdır, qohumlarınıza və dostlarınıza hər şeyi verə bilərsiniz, lakin həmkarlar üçün hədiyyə seçiminə daha şüurlu yanaşmaq daha yaxşıdır.

“Münasibətinizin sırf bizneslə bağlı olduğu həmkarlarınıza işgüzar hədiyyələr verilməlidir, heç bir halda belə hədiyyələrdə kosmetika, ətir və ya yuyucu vasitə olmamalıdır. Ətirlər də bu kateqoriyaya aiddir, bu, sırf fərdi məsələdir, ona görə də biz heç bir halda bunu etmirik”, – deyə ekspert deyir.

Onun sözlərinə görə, siz qadın həmkarlarınıza uyğun hədiyyələr verə bilərsiniz, bunlar biznes aksesuarları, qələmlər, universal hədiyyələr, çiçəklər, şirniyyatlar ola bilər. Hətta şirniyyatla belə ehtiyyatlı olmaq lazımdır, çünki bəzi insanlarda müəyyən məhsullara allergiya ola bilər.

“Çay, qəhvə, bəzi tematik dəstlər hədiyyə edə bilərsiniz, lakin bu, biznes tərəfdaşlarına aid edilmir” dedi.

Stop – qəti qadağandır

Mütəxəssislər qeyri-münasib hədiyyələrdən və onların alınmasına reaksiyalardan danışaraq, belə halların tez-tez baş verdiyini, lakin qəzəbin açıq bildirməyin və gileylənməyin yolverilməz olduğunu qeyd ediblər.

“Nə uyğunsuz ola bilər, nədən imtina edə bilərsiniz? Bu bahalı hədiyyə ola bilər, çünki hər hansı bir hədiyyə qarşılıqlı jest tələb edir. Məhz buna görə bahalı hədiyyələrdən imtina edin. Bəyənmədiyiniz digər hədiyyələrdən imtina etmək və narazılığınızı açıq bildirmək yolverilməzdir”, – deyə ekspertlər qeyd edirlər.

Belə səhvlər istəmədən baş verir, qadınlar hədiyyələri diqqət və zövq nöqteyi nəzərindən qiymətləndirməlidirlər.

Heç bir iddia, qarşıdurma, məzəmmət və qalmaqala yer yoxdur. İnsanlar bilmədiklərindən səhv edə bilərlər vəbu hər kəsin başına gələ bilər.

İdeal hədiyyə

8 Mart üçün ideal hədiyyə necə olmalıdır? İstənilən hədiyyə arzuolunandır. Lakin hədiyyənin kimin tərəfindən təqdim edildiyindən asılı olaraq seçilməlidir. Qadının rəfiqəsindən, həmkarından, dostundan və ərindən hədiyyə qözləntiləri seçilir. Onlardan biri üçün keçərli olan hədiyyə digəri üçün yolverilməz ola bilər. Əsas isə odur ki, hədiyyə qadının ürəyincə olsun və onun zövgünə uyğun gəlsin. Bəzən bunlar çox sadə arzular ola bilər, onları öncədən bilmək üçün isə bəzən ünsiyyətdə diqqətli olmaq yetərlidir.

Mütəxəssislərin fikrincə, hədiyyənin qiyməti heç bir əhəmiyyət kəsb etmir və çox vaxt heç bir rol oynamır, qadının sevgi, qayğı və onu razı salmaq istəyinin hiss etməsi artıq özü hədiyyədir.