Baş Dövlət Yol Polisi İdarəsi avtomobillərin üzərində polis logolarından ibaret avtomobil üçün nəzərdə tutulmuş asılqan ətirlərin geniş yayılmasına münasibətini bildirib.

Bildirilib ki, bu loqolu ətirlərin asıldığı nəqliyyat vasitələri cəmiyyətdə həmin avtomobilin məhz polis və ya digər hüquq-mühafizə orqanlarının əməkdaşlarına məxsus olması haqda yanlış fikir yaradır.

“Təbii ki, belə avtomobillərlə törədilən yol hərəkəti qayda pozuntuları da yanlış təsəvvür yaradır. Baş Dövlət Yol Polisi İdarəsi üzərində “POLİS”, “DİN”, “DYP” və sair bu qəbildən olan yazılar həkk edilmiş aksesuarlardan istifadənin əhali tərəfindən birmənalı qarşılanmadığını avtomobil sahiblərinin və sürücülərin diqqətinə çatdırır, bəzi sürücülər tərəfindən belə vasitələrdən sui-istifadə hallarının isə yolverilməz olduğunu bildirir”, – deyə məlumatda bildirilib.