Məişət avadanlığı aldıqda və istismar etdikdə bunlara diqqət yetirmək şərtdir.

Energetika Nazirliyi Bakıda keçiriləcək COP29 çərçivəsində videoçarx hazırlayıb.

Videoçarxda ev işlərində enerji səmərəliliyinə nail olmağın yolları izah edilir.

Belə ki, məişət texnikası aldıqda ilk növbədə yüksək enerji sinfinə – “A” sinfinə aid olan avadanlıqlara üstünlük vermək tövsiyə edilir.

İkinci növbədə aşağı temperatur seçiminə malik olan qabyuyan maşın almaq məsləhət görülür. Zərurət olmadıqca, önyumadan istifadə etməməyə çağırılır.

Miqdardan artıq yuyucu vasitələrin istifadə etməsinə yol verməmək və paltarları mümkün gədər aşağı temperaturlarda yumaq enerji sərfiyyatının azalması və avadanlıqların uzunömürlülüyü üçün vacibdir.

Paltarları quruducu avadanlıqlarda deyil açıq havada qurutmağa üstünlük vermək məsləhət görülür.