Azərbaycan Respublikası Nazirlər Kabineti “Dövlət və bələdiyyə qiymətli kağızlarının emissiyası və tədavülü Qaydaları”nda və “Aqrar Sığorta Fondunun Nizamnaməsi”ndə dəyişiklik edilməsi haqqında qərar qəbul edib.

Qərara əsasən, “Dövlət və bələdiyyə qiymətli kağızlarının emissiyası və tədavülü Qaydaları”nda aşağıdakı dəyişikliklər edilir:

Bir təqvim ili ərzində buraxılacaq dövlət istiqrazlarının buraxılışlarının məcmusu və bələdiyyə istiqrazlarının hər bir buraxılışı Azərbaycan Respublikasının Maliyyə Bazarlarına Nəzarət Palatası tərəfindən deyil Azərbaycan Mərkəzi Bank tərəfindən qeydiyyata alınacaq.

Emitent dövlət və ya bələdiyyə istiqrazlarının buraxılışlarının dövlət qeydiyyatına alınması üçün ərizə ilə Mərkəzi Banka muraciət edir. Ərizə poçt və ya Mərkəzi Bankın rəsmi Internet informationasiya ehtiyatında xüsusi elektron xidmət bölməsi vasitəsilə göndərilə bilər.

Dövlət və bələdiyyə istiqrazlarının buraxılışlarının dövlət qeydiyyatına alınması üçün təqdim edilən sənədlərə onların təqdim edilməsi tarixindən etibarən 20 (iyirmi) iş günü deyil 10 (on) iş günü müddətində baxılacaq və imtina üçün əsas olmadıqda, həmin dövlət və bələdiyyə istiqrazlarının buraxılışları Mərkəzi Bank tərəfindən dövlət qeydiyyatına alınacaq və bu barədə emiteentə onların buraxılışının (buraxılışlarının ) dövlət qeydiyyatına alınması barədə qiymətli kağızların dövlət reyestrindən çıxarış veriləcək.

Qərara əsasən, Aqrar Sığorta Fondunun İdarə Heyəti sədrinin Fondun istiqrazlarının buraxılması üçün emissiya prospektini təsdiq etmək vəzifəsi ləğv edilib.