Gənclər və idman naziri Fərid Gayıbov bununla bağlı “X”-də paylaşım edib.
“Qədim milli idman növümüz olan çövkənin beynəlxalq federasiyası yarandı”, – nazir paylaşımını şərh edib
Azərbaycan dilində “çövkən” termini “çovqan” kimi də səslənir və “Azərbaycan dilinin izahlı lüğət”lərində bu sözün mənası “at üstündə ucu əyri çomaqla top-top oyunu” kimi təsvir edilir.
Çövkən, bəzən çovqan — at ilə oynanılan idman komanda oyunu və müasir polo oyununun bir versiyasıdır.
https://platform.twitter.com/widgets.js🎉 Şad xəbər
— Farid Gayibov (@faridgayibov) February 1, 2024
🏇🏻 Qədim milli idman növümüz olan çövkənin beynəlxalq federasiyası yarandı #birkimibirlikdə pic.twitter.com/HNh61nDZlX
Komanda oyun növü olan çövkən yarışları eramızın birinci minilliyinin ortalarında formalaşmış, yüzillər ərzində Azərbaycanda, Orta Asiyada, İranda, Türkiyədə, İraqda və qonşu ölkələrdə məşhur olub. Mənbələr XII əsrdə İslam dünyasının mədəni mərkəzlərindən Bağdadda Orta Şərq ölkələrinin atçaparları arasında tarixdə ilk beynəlxalq çövkən yarışlarının keçirildiyi göstərir.
Oyunun mahiyyəti ondan ibarətdir ki, iştirakçılar iki dəstəyə ayrılır və iki tərəfdə qoyulan dirəklərdən ibarət rəqib qapılarından topu keçirmək tələb olunur. Oyunda iştirak edən hər komandanın tərkibi 7 nəfərdən ibarətdir. Atların sayı 6 olmalıdır. Oyun ikihissəli olmaqla 30 dəqiqə davam edir.
Qeyd edək ki, “Qarabağ atı ilə oynanılan çövkən oyunu” 2013-cü ildə UNESCO-nun Qeyri-maddi mədəni irsin Reprezentativ Siyahısına daxil edilib.
TIME 