Onun rəsm əsərləri əlvan rəngləri ilə nəzərləri özünə cəlb edən, izləyicilərinə bayram əhval-ruhiyyəsi bəxş edən xüsusiyyətləri ilə yadda qalır.

Heydər Əliyev Mərkəzində fevralın 14-də “Ümid sınağı” (“Crucible of hope”) sərgisində rəssam Kojo Marfonun 20-dən çox əsəri nümayiş olunacaq.

Kojo Marfo (1980-ci il təvəllüdlü) Londonda yaşayan Qanalı rəssamdır. Marfo, Ganada uşaq ikən məruz qaldığı ənənəvi Akan artefaktları, heykəlləri və oymaları vasitəsilə incəsənətə və vizual mədəniyyətə marağını inkişaf etdirib. Bu artefaktlar Marfo üçün həyati güc mənbəyi olmaqda davam edir. O, qeyri-bərabərlik, din, siyasət və spiritizm kimi sosial problemləri vurğulamaq üçün ənənəvi Akan sənətinə istinad edir.

Nyu York və Londona səyahət etdikdən sonra Marfo öz təcrübələrini ifadə etmək və cəmiyyətə şərh vermək üçün geniş təsir dairəsini əhatə edən unikal bir üslub inkişaf etdirib. Kojo Marfonun sənət əsərləri Amsterdam, Barselona, Paris, Tokio və digər şəhərlərdə də nümayiş etdirilib. Onun rəsm əsərləri əlvan rəngləri ilə nəzərləri özünə cəlb edən, izləyicilərinə bayram əhval-ruhiyyəsi bəxş edən xüsusiyyətləri ilə yadda qalır.

Rəssam hesab edir ki, incəsənət əsəri sosial problemləri işıqlandırmaq və həssas məsələlərə müxtəlif perspektivlər təklif etmək üçün güclü vasitədir. Kojo Marfo sənətə ilk növbədə ünsiyyət vasitəsi kimi baxır, ona artan yaradıcılıq və ideyalar hovuzuna daxil olmağa imkan verir.

Kojo Marfo öz işlərini bütün mövcud və gələcək kolleksiyaçılara ümid və anlayış mesajı kimi çatdırmaq istəyir. O oturub həyat dediyimiz səyahət haqqında düşünmək üçün vaxt ayırmağa çağırır.