“Günün sualı” rubrikasının növbəti mövzusu “Ən çox nədən qorxursunuz? Sizi buna məcbur etmək üçün nə baş verməlidir?”.

Sualın müxtəlif cavabları var, kimsə hündürlükdən qorxur, kimsə qaranlıqdan, bağlı məkanlardan, sudan, oddan, hansısa heyvandan, tənhalıqdan, valyuta məzənnəsinin dəyişməsindən, işsizlikdən, həyatının nəzarətdən çıxmasından, bilmədiyi gələcəkdən, dünyaya uşaq gətirməkdən, ailəsini itirməkdən, var dövlətini itirməkdən, evsiz qalmaqdan, gülünc vəziyyətdən, etibardan və hörmətdən düşməkdən, çarəsiz xəstəliyə düçar olmaqdan, kimlərəsə möhtac olmaqdan, kiməsə baş əyməkdən və sair, və ilaxır.

İnsanları qorxduqları vəziyyətə düşməyə vadar edən bir çox amil var, ilk növbədə bu qorxunun özüdür. Belə ki, sudan qorxaraq qaçan insanın ayağı sürüşərək suya düşməsi ehtimalı daha yüksəkdir. Qorxmaqdansa, qorxumuza qalib gəlməyi və tədbirli olmağı öyrənməyimiz məncə daha effektiv ola bilər.

Sosial şəbəkələr dünyanın hər tərəfindən müxtəlif sosial təbəgələrə aid olan insanları bir araya gətirir və onların paylaşımlarında sezilən həyat hekayələrindən qorxularımızın o gədərdə qorxulu olmadığını görürük.

Görürük ki, hündürlükdən düşüb sağ qalmaq olar, üzməyi bacarmayıb suda boğulmamaq olar, odun içindən sağ salamat çıxmaq olar, günlərlə ac, susuz, soyuqda dağıntılar altında qalıb sağ qalmaq olar, bədənin demək olar bütün hissələrini itirib həyata davam etmək olar. Pulsuz parasız biznes qurub var-dövlət sahibi olmaq və onu bir neçə dəqiqədə itirib, yenidən başlamaq olar. Yetərki bacarıq, inam, istək olsun və sadəcə bəxtimiz gətirsin.

Görürük ki, dünya fanidir, hər şey müvəqqətidir və insan yaxşınıda, pisidə tez unudandır. Məşhur insanların uğurlarınıda, dibə düşən insanların ayıbınıda bir neçə gün müzakirə edib unuduruq.

Onuda görürük ki, mərhəmətli xeyirsevər insanlar hələ var, azda deyillər, düşənə əl uzadırlar, yetər ki, biz bu köməyi qəbul etməyə hazır olaq. Özümüzü və sevdiklərimizi Allaha, yaradana, təbiətə və neyə inanırıqsa ona əmanət etməyi öyrənməliyik. Bəzən bizim faciə hesab etdiyimiz bir hadisə xeyrimizə olur. Lakin bu o demək deyil ki, bəxtinizi sınamaq üçün göydələnə çıxıb ordan özünüzü atasız ki, nə olarsa olsun.

Amerikalı pedaqoq, mühazirəçi və yazıçı, ünsiyyət nəzəriyyəsinin yaradılmasında ixtira etmiş, özünü təkmilləşdirmə və effektiv ünsiyyət bacarıqları üzrə psixoloji kurslar yaradan Deyl Karneginin “Narahat olmadan yaşamağa başlamaq üçün nə edək?” kitabında yazıldığı kimi:

Baş verənlərlə barışmağa hazır olun… Hər şeyi olduğu kimi qəbul etməyə hazır olun, çünki artıq baş verənləri qəbul etməklə, uğursuzluğun nəticələrini aradan qaldırmaq üçün ilk addımı atmış olursunuz

Narahatlığı həyatınızdan çıxarmaq üçün fəal olun. Fəaliyyət, ümidsizlik ruhunu aradan qaldırmaq üçün indiyə qədər yaradılmış ən yaxşı dərmanlardan biridir.

Sizin fikriniz və həyat təcrübəniz bizim üçün dəyərlidir, şərhdə onları paylaşa bilərsiniz.

Aynur Vəliyeva