Geomaqnit sahəsinin bir neçə gün qeyri-sabit olacağı proqnozlaşdırılır

N.Tusi adına Şamaxı Astrofizika Rəsədxanasının kosmik hava və proqnozuna əsasən hazırda Günəş küləyinin sürəti normaldır (392 km/san).

Lakin fevralın 4-dək C sinif alışmanın baş verməsi ehtimalı 95 faiz, M (R1-R2) sinif alışmanın baş verməsi ehtimalı 25 faiz, X (R3) sinif alışmanın baş verməsi ehtimalı isə 1 faiz təşkil edir.

Enerjisi 2 MeV-dən çox olan elektron selinin normal və orta səviyyədə, 10 MeV-dən çox enerji yüklü proton selinin isə fon səviyyəsində olacağı proqnozlaşdırılır.

Günəş küləyinin sürətinin mənfi qütblü tac dəliklərindən çıxan yüksək sürətli zərrəciklər selinin təsiri ilə artacağı gözlənilir.

Geomaqnit sahəsinin qeyri-sabit olacağı proqnozlaşdırılır.