Türkiyə Respublikası tərəfindən 2024–2025-ci tədris ili üzrə “Türkiyə bursları” təqaüd proqramına qəbul elan olunub.

Qəbul bakalavriat, magistratura, doktorantura təhsil səviyyələri üzrə həyata keçirilir.

Təqaüd proqramı tələbələr üçün nəzərdə tutulmuş təhsil haqqı (1 illik türk dili kursu daxil), yataqxana, sığorta, aylıq təqaüd, yol xərclərini (ümumi təhsil müddətində 2 dəfə olmaqla, təhsilə başladıqda və məzun olduqda biletlə təmin olunma) əhatə edir.

Təhsil səviyyəsinə uyğun aylıq təqaüd:

• bakalavriat səviyyəsi üzrə: 3500 TL
• magistratura səviyyəsi üzrə: 5000 TL
• doktorantura səviyyəsi üzrə: 6500 TL
  Tədris dili:

Tədris dili əsasən türk diliddir (bəzi təhsil proqramları üzrə ingilis dili).
Müraciət edən namizədlər bakalavriat səviyyəsi üzrə 21 yaş, magistratura səviyyəsi üzrə 30 yaş, doktorantura səviyyəsi üzrə isə 35 yaşdan aşağı olmalıdır.
Son müraciət tarixi 2024-cü il fevralın 20-dir. Müraciət səhifəsi və təqaüd proqramı barədə ətraflı məlumat aşağıdakı keçidlərdən əldə edilə bilər: https://turkiyeburslari.gov.tr/ https://tbbs.turkiyeburslari.gov.tr/
Proqramda iştirak üçün sənədlərin qəbulu müvafiq internet səhifəsində göstərildiyi qaydada həyata keçirilir.