Hesabat dövrü ərzində Günəş fəallığı orta səviyyədə olub.

Nəsrəddin Tusi Adına Şamaxı Astrofizika Rəsədxanasının verdiyi məlumata əsasən, yanvarın 15-dən 21-dək Günəşdə C sinif alışmanın baş verməsi ehtimalı 95%, M (R1-R2) sinif alışmanın baş verməsi ehtimalı 30%, X (R3) sinif alışmanın baş verməsi ehtimalı isə 5% təşkil edir.

Günəş küləyinin sürətinin müsbət qütblü Tac Dəliklərindən çıxan Yüksək Sürətli Zərrəciklər Selinin təsiri ilə artacağı gözlənilir.

Geomaqnit sahəsi – 14 yanvarda baş vermiş TKA Merkuri və Veneraya yönəlib, Yerə təsiri olmayacaq, müşahidə olunan Tac dəliyi isə geoeffektiv deyil.

16-17 yanvarda Tac Dəliklərindən çıxan Yüksək Sürətli Zərrəciklər Selinin təsiri ilə geomaqnit sahəsinin fəallaşması ehtimalı var, geomaqnit qasırğası gözlənilmir.