Netflix, “Game of Thrones”-un yaradıcıları Devid Benioffun və Ueys D.B.-nin yeni elmi-fantastik serialı “The Three Body Problem”-in debüt treylerini təqdim edib.

Tamaşa Çin yazıçısı Liu Cixinin (2008) eyniadlı romanı əsasında hazırlanıb. Süjet dünya elmində bir sıra qəribə hadisələrin şahidi olan nanotexnoloqun hekayəsindən bəhs edir. Hərbi və kəşfiyyat orqanları hesab edirlər ki, kimlərsə və ya nələrsə Yer kürəsində elmi inkişafı ləngitməyə çalışır.

Serialda rolları: Cess Honq, Benedikt Vonq, Eiza Qonzales, Covan Adepo və başqaları ifa ediblər. Serialın buraxılışı martın 21-də baş tutacaq.