Gözəllik salonlarında qiymətlər iki dəfəyədək artıb.

Xezerxeber.az-ın məlumatına görə, salonlar yeni ilə yeni qiymətlərlə başlayıblar.

Aşağı qiymət seqmentinə aid olan salonlarda artıq saç kəsimi qiyməti 10 -15 manat deyil, 20-25 manat təşkil edir.

Qiymət artımı bütün xidmətlərə şamil olunur. Salon işçiləri artıma səbəb kimi istifadə edilən məhsul və ləvazimatların bahalaşmasını göstərirlər.

Qiymət artımı təkcə qadın gözəllik salonlarına təsir etməyib. Kişi salonlarındakı xidmətlərdə də bahalaşma müşahidə olunur.

Salon işçilərinin sözlərinə görə, qiymətlərin qalxması müştərilərin haqlı narazlığına və azalmasına səbəb olub.