Top-5+ sahibini görən heyvanların ən yaxşı reaksiyaları – VİDEO

Sahibinin xarakteri ev heyvanının şəxsiyyətinə təsir göstərir – bu artıq elmi araşdırmalarda təsdiqini tapıb. Alimlər aşkar ediblər ki, ünsiyyətcil insanların mehriban və aktiv it və pişikləri, nevrotik insanların isə ev heyvanları narahat və aqressiv olur.

Hazırda alimlər sahibinin xarakterinin heyvanın şəxsiyyətini necə formalaşdırdığını dəqiq öyrənirlər.

İtləri gəzdirməklə, onlarla oynamaqla, bəzi hərəkətlərinə görə onları mükafatlandırıb, bəzilərinə görə isə cəzalandırmaqla onların şəxsiyyətini formalaşdırırıq. İtlər, insanlar kimi, müəyyən vəziyyətlərdə necə reaksiya verəcəyini müəyyən edən xüsusiyyətlərə malikdirlər.

Miçiqan Dövlət Universitetinin tədqiqatçıları, insanlar kimi, itin də şəxsiyyətinin zamanla dəyişə biləcəyini aşkar ediblər. Tədqiqat Journal of Research in Personality jurnalında dərc olunub.

“İnsanlar öz həyatlarında dəyişikliklər hiss etdikdə, onların şəxsi xüsusiyyətləri də dəyişə bilər. Tədqiqatın aparıcı müəllifi psixologiya professoru Uilyam Çopik deyir ki, itlərdə də belə olur. “Biz itlərin şəxsiyyət baxımından kifayət qədər sabit olmasını gözləyirdik, çünki onların həyat tərzləri insanlar qədər dəyişmir, amma əslində çox dəyişirlər.”

Aşağıda təqdim etdiyimiz videolarda sahibini görən heyvanların ən yaxşı reaksiyalarını müşahidə etmək olar.