Mobillik layihəsində velosiped və skuterlər də nəzərə alınıb. İlk mərhələdə Bakıda uzunluğu 7 kilometr olan velosiped yolu salınacaq.

Rəqəmsal inkişaf və nəqliyyat nazirinin müavini Rəhman Hümmətov bunu “Azərbaycanda Mobilliyin Transformasiyası Proqramı”nın təqdimatında bildirib.

Dövlət rəsmisi bildirib ki, piyadaların hərəkəti üçün müvafiq infrastrukturun yaradılması istiqamətində də işlər davam etdirilir.

“Taksi xidməti də həmçinin, diqqət mərkəzindədir. Ötən dövr ərzində bir sıra qanunlara dəyişiklik edilib. Bundan sonra, alt qaydalara dəyişikliklər gözlənilir. Ardınca yeni qanunvericiliyin tətbiqinə başlanılacaq”, – deyə nazir müavini əlavə edib.