Manqo tərkibinə görə sehrli meyvə sayılır. Mütəxəssislər manqonu sadəcə unikal meyvə deyil, sözün əsl mənasında sehrli xüsusiyyətlərə malik olduğunu hesab edirlər.

Mangonun sehri nədədir?

Bu meyvənin tərkibində insan orqanizmi üçün həyati əhəmiyyət kəsb edən 12 əvəzolunmaz amin turşusu var, lakin bu amin turşuları müstəqil olaraq istehsal olunmur.

Manqonun tərkibində təbii trankvilizatorlar da var – sinir sisteminə faydalı təsir göstərən, əhval-ruhiyyəni yaxşılaşdıran maddələr.

Bu meyvə antidepresan xüsusiyyətlərə malikdir, həm də ürək ağrılarını sakitləşdirdiyi üçün çox dadlı validoldur.

Bundan əlavə, xolesterolu azaltmağa kömək edir, immunitet sistemini gücləndirir, hemoglobini artırır.

Manqo kişilər, qadınlar və uşaqlar üçün də faydalıdır. Tərkibində kifayət qədər təbii C vitamini var – gündəlik tələbatın 60% -dən çoxu, kollagenin sintezində mühüm rol oynayır. Manqo müxtəlif mikroelementlərin əla mənbəyidir.

Pəhriz saxlayanlar üçün əla desrtdir

Diyetoloqlarin sözlərinə görə, meyvənin çox şirin olmasına baxmayaraq 100 q meyvədə cəmi 60 kkal var. Bu, arıqlayan və kalori hesablayanlar üçün əla desertdir.

Meyvənin tərkibində olan lif həzmi normallaşdırır, çünki meyvə fermentləri karbohidratları parçalamağa kömək edir.

Hətta manqonun qabığı da faydalıdır – o, çoxlu lifə malikdir və eyni zamanda qəbizliyin qarşısını almağa və həzm sisteminin ümumi funksiyasını dəstəkləməyə kömək edən əla prebiotikdir.

Xoşbəxtlik hormonu

Mütəxəssisin fikrincə, manqonun tərkibində “xoşbəxtlik hormonu” adlandırdığımız serotonin var ki, bu da əhvalımıza və yuxumuza təsir edir.

Manqonu düzgün saxlamaq üsulu

Yetişmiş meyvələri soyuducuda saxlayın. Hər bir parçanı və ya bütün meyvəni kağıza sarın. Onu plastik torbalarda saxlamaq olmaz, əks halda xarab olur. Yeri gəlmişkən, manqolar dondurulmaya dözümlüdür, onları buz dolabında saxlaya bilərsiniz.