Bir çoxları geyim əşyalarını ən pis hədiyyə hesab edir: corablar, xalatlar, sviterlər, köynəklər, papaqlar və şərflər ən bezdirici hədiyyələr sayılır.

Antireyrinqin ikinci yerində kosmetika və gigiyena məhsulları qərarlaşıb.

Suvenirlər (oyuncaqlar, heykəlciklər, maqnitlər, şamlar və digər “toz yığanlar”), şirniyyatlar və mətbəx əşyalarıda arzuolunmayan hədiyyələr siyahısına daxildir.

Uğursuz hədiyyələr siyahısına dəsmallar, dəftərxana ləvazimatı, idman ləvazimatları, yataq dəstləri və s. aiddir.

Respondentlərin müəyyən hissəsi hesab edir ki, ən pisi ümumiyyətlə təbriksiz qalmaqdır.

Kişilər, qadınlardan daha çox, geyim hədiyyə edilməsini sevmirlər. Qadınlar suvenir və mətbəx əşyalarına sevinmirlər.

Sual yaranır ki, onda hədiyyə olaraq nə alınmalıdir?

Hesab edilir ki, hədiyyə veriləcək qədər yaxın saydığınız insanların maraq dairələrinə, hobbilərinə, arzu və istəklərinə bələdsiniz və imkan dairəsində uyğun bir hədiyyə təqdim edə bilərsiniz. İmkanlarınızla arzularınız üst-üstə qəlmirsə hədiyyə kartlarına müraciət edə bilərsiniz, ən azından yaxınlarınızın ürəyindən keçən hədiyyənin alınmasına dəstək olarsınız.