İntellekt sizin biliklərinizin deyil, yeni məlumatları əldə etməyin sürətli olmasının göstəricisidir.

Çoxsaylı araşdırmalar göstərir ki, zəka erkən yaşda formalaşır, ona görə də siz sahib olduqlarınızda ilişib qalırsınız. İntellekt həyatda uğuru şərtləndirən yeganə və ən vacib amil olmasa da – araşdırmalar göstərir ki, yüksək intellektə sahib olmaq pis deyil.

Yüksək intellekt səviyyəniz olub-olmadığını öyrənmək üçün sadəcə olaraq aşağıdakıların sizə aid olub-olmadığını yoxlayın.

Daim narahatlıq hiss edirsiniz?

Narahatlığın yaxşı bir şey olduğuna inanmaq çətindir, lakin yeni araşdırmalar göstərir ki, narahatlıq hiss etmək o qədər də pis bir şey olmaya bilər. Psixiatr Ceremi Koplan narahtlıq hissi pozğunluğu olan çoxsaylı xəstələri tədqiq edərək müəyyən edib ki, daha pis simptomları olan insanlar daha yüngül simptomları olan insanlardan daha yüksək intellektə malikdirlər.

Bundan əlavə, digər tədqiqatlar göstərir ki, narahat insanlar daha çox diqqət mərkəzində olurlar və tapşırıqları daha yaxşı yerinə yetirirlər. Odur ki, növbəti dəfə kimsə sizə narahat olmağı dayandırmağı söyləyəndə, sadəcə olaraq bildirin ki, böyük intellektiniz sizə mane olur.

Kiçik yaşlarından kitab oxuyursunuz?

İngiltərədə 2000 cüt eyni yumurtalı əkiz üzərində aparılan araşdırma, eyni genlərə sahib olmalarına baxmayaraq, daha erkən oxumağı öyrənən uşaqların intellekt səviyyəsinin bacı-qardaşlarından daha ağıllı olduğunu müəyyən edib. Belə ki, daha tez oxumağı öyrənən uşaqlar daha ağıllı olduqları üçün bunu etdiklərini düşünmək olar, lakin bu belə deyil. Tədqiqatçılar həmçinin belə nəticəyə gəliblər ki, oxumağı öyrənmək onların inkişafına təsir edib, uşaqları daha ağıllı edir.

Siz solaxaysınız?

Solaxaylıq və intellekt arasındakı əlaqə kiçik olsa da və hələ də izah olunmasa da, solaxay olmağın bəzi üstünlükləri var. Elmi araşdırmalar göstərib ki, solaxay insanlar yaşıdlarından daha ağıllıdırlar. Onların beynin iki fərqli yarim kürəsini birləşdirmə qabiliyyəti mühüm intellekt əlamətidir.

Sizdə yumor hissi var

Tədqiqatlar göstərir ki, yumor və yüksək IQ balları arasında güclü əlaqə var. Güclü yumor duyğunuz zehninizin nə qədər kəskin olmasından asılıdır.