Milli Məclisdə ailə dəyərləri ilə bağlı qanunvericiliyə dəyişiklik olunması tövsiyə edilib.

Elm və təhsil nazirinin müavini Firudin Qurbanov Milli Məclisdə “Ailə sağlamlığı və dəyərləri qanunvericilik aspektində” mövzusunda ictimai dinləmə zamanı təklifi irəli sürüb.

O qeyd edib ki, yəqin ki, bu məsələ bu gün gündəmə gəlirsə, qanunvericilikdə müəyyən dəyişikliklər ola bilər.

“Qanunvericilikdə yaşlı nəslə hörmət, ailənin şərəfi, analıq və uşaqlıq, çoxlu uşaq sahibi olmaq kimi dəyərlər açıq şəkildə bildirilməlidir”, – deyə o əlavə edib.

Bu istiqamətdə tətbiq ediləcək əsas dəyişikliklər aşağıda göstərilən problemlərin həllinə yönəldiləcək:

• Erkən nikahlarla bağlı Qafqaz Müsəlmanları İdarəsinin də fətvası var və din xadimləri qarşısında qoyulan konkret tələblərin yerinə yetirilməsi
• Selektiv abortların qarşısının alınması üçün maarifləndirmə işlərinin gücləndirilməsi
• Nikaha daxil olmaq istəyən şəxslərin tibbi müayinə zamanı narkomaniya testindən keçirilməsi
• Evlənənlər arasında hər iki tərəfin üzərinə məsuliyyət qoyan nikah müqaviləsinin imzalanması

Qeyd edilib ki, bu sahədə uşağın taleyini düşünmək lazımdır.