BMT-nin Azərbaycandakı rezident əlaqələndiricisi Vladanka Andreeva gender əsaslı zorakılığa qarşı 16 günlük fəallıq kampaniyası ilə bağlı videomüraciət edib.

Müraciətdə Vladanka Andreeva “Qadınları və qızları dinləyin; onlara inanın; onları evdə, iş yerində və icmada dəstəkləyin.Biz qadınları və qızları dəstəkləməliyik ki, daha çox zorakılığın baş verməsinin qarşısını ala bilək.Biz gender əsaslı zorakılığın əsas səbəblərini aradan qaldırmaq üçün icmalarımızı səfərbər etməliyik”, – deyə o qeyd edib.

BMT rezidenti onu da bildirib ki, global miqyasda, Azərbaycanda daxil olmaqla bütün dünyada, qadınlara və qızlara qarşı zorakılıq hər üç qadından birini yaşadığı ən geniş yayılmış insan hüquqları pozuntusundan biri olaraq qalır.

Azərbaycanda bu istiqamətdə görülən tədbirlərə baxmayaraq zorakılığa “YOX” demək üçün daha çox müttəfiqə ehtiyac duyulur.

BMT-nin Rezident Əlaqələndirici ofisi estafeti BMT-nin İnkişaf Proqramı UNDP Azerbaijan və Əhali Fonduna UNFPA Azerbaijan-a ötürür.