Bakıda bu il də istilik mövsümünün noyabrın 15-də başlanması nəzərdə tutulub.

TIME Trend-ə istinadən bildirir ki, bunu “Azəristiliktəchizat” ASC-nin mətbuat katibi Elvin Basqallı deyib.

O bildirib ki, istilik sisteminə sayğacın quraşdırılmasına gəlincə, bu yalnız qeyri əhali istehlakçıları üçün planlaşdırılır. Hazırda bu istiqamətdə təxirəsalınmaz tədbirlər görülür.

Noyabrın 1-dən isə istilik mövsümü başlayacaq rayonların sayı 14-ə çatdırılacaq: Daşkəsən, Gədəbəy, Xaçmaz, Kəlbəcər, Qəbələ, Quba, Qusar, Laçın, Lerik, Şamaxı, Siyəzən, Şabran, Şuşa, Yardımlı.

E. Basqallı qeyd edib ki, bununla bağlı qərar bölgələr üzrə iqlim şəraiti nəzərə alınaraq verilib.

Qurumun fəaliyyətinin tənzimlənməsi ilə bağlı bir sıra normativ hüquqi aktlar qəbul edilib.

Nazirlər Kabineti tərəfindən istilik enerjisindən istifadə qayadaları təsdiqlənib.