Azərbaycanda bəzi WhatsApp istifadəçilərinin hesabları bağlanılıb.

TIME rəsmi mənbəyə istinadən bildirir ki, WhatsApp Business bir neçə gün öncə istifadəçilərə beş gün ərzində mobil əlavələrini yeniləməyi tövsiyə edib, əks halda mobil əlavənin işləməyəcəyi bildirilib.

Lakin bunun səbəbi istifadəçilərin profillərinin sındırılması ilə bağlı ola bilər. Belə hallarda sosial şəbəkə və mesencer hesablarınızın təhlükəsizliyindən əmin olmaq üçün ikimərhələli identifikasiya imkanlarına müraciət edə bilərsiniz. Bunun üçün, sosial şəbəkə profillərinizdə “Təhlükəsizlik və konfidensiallıq” bölmələrinə daxil olaraq müəyyən seçimlər etmək kifayətdir ki, istənilən hesabınıza yalnız ikimərhələli identifikasiyadan sonra daxil olmaq mümkün olsun.

Onlayn hesablarınız və cihazlarınıza təyin etdiyiniz şifrlərin təhlükəsizliyini təmin etmək üçün bir sıra kibergigiyena qaydalarına əməl etməyiniz tövsiyə olunur.

• ən azı on simvoldan ibarət mürəkkəb şifrələr seçin
• mümkün olduğu halda iki mərhələli identifikasiya funksiyasını aktivləşdirin
• eyni şifrəni birdən çox hesabınıza təyin etməyin
• şifrələrinizi kağız və ya elektron daşıyıcılarda aşıq şəkildə saxlamayın
• ictimai Wi-Fi xidmətləri vasitəsi ilə onlayn hesablarınıza daxil olmayın
• şifrələrinizi zəng və ya mesaj vasitəsi ilə başqa şəxslərə ötürməyin
• xüsusi əhəmiyyət kəsb edən hesablarınıza məxsus şifrələri vebrauzerin yadaşında saxlamayın
• şifrənizin kənar şəxslər tərəfindən ələ keçirilməsinə dair şübhələriniz varsa onu dərhal dəyişin
• şifrələrinizi mütəmadi şəkildə yeniləyin
• onlayn hesablarınızla yanaşı elektron cihazlarınızın və WiFi şəbəkənizə təyin etdiyiniz şifrələrinizidə eyni qaydada qoruyun

“WhatsApp” mobil tətbiqində mövcud hesabınızın təhlükəsizliyini təmin etmək və kiberdələduzlar tərəfindən ələ keçirilməsinin qarşısını almaq üçün ikimərhələli təsdiqləmə funksiyasını aktivləşdirməyiniz tövsiyə olunur.