Nyu-Yorkun COMEX əmtəə birjasında qızılın bir troya unsiyasının qiyməti 0,27% azalaraq, 1 923,1 ABŞ dollarına bərabər olub.

TIME rəsmi mənbəyə istinadən bildirir ki, COMEX-də gümüşün bir unsiyasının qiyməti isə 0,03% azalaraq, 22,85 dollar təşkil edib.

Azərbaycanda qızılın bir troya unsiyasının qiyməti 0,58% ucuzlaşaraq 3219,4940 manat (1893.82 dollar) təşkil edib. Gümüşün bir unsiyasının qiyməti 0,4% azalaraq 38.2653 manat (22,5 dollar) təşkil edib.

Beynəlxalq səviyyəli ekspertlərin rəylərinə əsasən , dünya bazarında qızılın qiyməti mərhələli şəkildə 12% ətrafında düşüb. Bu pandemiya nəticəsində bir çoxlarının alıcılıq qabiliyyətinin azalması ilə bağlı olub.

Lakin analitiklər qızılın qiymətinin gələn ilin sonuna kimi cari səviyyələrdən 26%-dən çox artaraq tarixi maksimuma – 2500 dollaradək artacağını gözləyirlər. Bu ilin sonuna qızılın qiymətinin 2100 dollaradək artacağı proqnozlaşdırılır.

Dünyada müşahidə olunan hadisələrin fonunda alıcılar qızılı “təhlükəsiz sığınacaq” qəbul edərək ona üstünlük verirlər.

Proqnozları nəzərə alaraq, demək olar ki, hazırda qızıl almaq üçün ən əlverişli zamandır.