DİM-in Təchizat və təsərrüfat şöbəsində sürücü vəzifəsi üzrə vakansiya elan edilib.

TIME rəsmi mənbəyə istinadən bildirir ki, vakansiya üzrə xüsusi tələblərdə B, C, D kateqoriyalarına daxil olan nəqliyyat vasitələrini idarə etmək hüququnu təsdiq edən sürücülük vəsiqəsinin mövcudluğu qeyd edilib. Namizədin 2 il iş təcrübəsi olmalıdır.

Qulluq funksiyaları:

• etibar edilmiş avtomobilin təmiz saxlanılması və hər hansı səbəb üzündən ona ziyan vurulmaması;
• avtomobilin vaxtında yanacaq, sürtkü və motor yağları ilə təchiz edilməsi, işlək və saz vəziyyətdə saxlanılması, zərurət yarandığı hallarda cari və əsaslı təmiri üçün Mərkəzin aidiyyəti şöbəsinə müraciət edilməsi;
• avtomobilin qanunvericiliklə müəyyən edilmiş müddətlərdə texniki baxışdan keçirilməsinin və icbari dövlət sığortasının təmin edilməsi;
• avtomobili idarə edərkən, dayanacaqlardan və duracaq yerlərindən istifadə edərkən “Yol hərəkəti haqqında” Azərbaycan Respublikasının Qanununun və digər müvafiq qanunvericilik aktlarının tələblərinə, o cümlədən yol hərəkəti və təhlükəsizlik qaydalarına riayət edilməsi;
•  hər iş günü başa çatdıqdan sonra avtomobilin müəyyən edilmiş yerdə saxlanılması və onun təhlükəsizliyi ilə bağlı tədbirlərin görülməsinin təmin edilməsi;
• rəhbərlik, şöbə müdiri və sektor müdiri tərəfindən verilmiş tapşırıqların icra edilməsi.

Vakansiya üzrə müraciət etmək istəyən şəxslər öz müraciət formasını mövzu bölməsində “Sürücü” qeyd olunmaqla hr@dim.gov.az elektron poçt ünvanına 31 avqust 2023-cü il tarixinədək göndərə bilərlər.