“Nizami” Kino Mərkəzinin idarəçiliyinin birləşmiş İttifaqa həvalə edilməsi müzakirə olunur.

TIME rəsmi mənbəyə istinadən bildirir ki, bu təklifi Kinematoqrafçılar İttifaqlarının İdarə Heyətlərinin birgə iclasında kinorejissor Ziya Şıxlinski birləşmə ideyasını dəstəklədiyərkən irəli sürüb.

Azərbaycan Mədəniyyət Nazirliyinin rəsmilərinin iştirak etdiyi iclasda Z.Şıxlinski yaradıcı məsələlərdə nazirliyin birləşmiş ittifaqla daha sıx əməkdaşlığının vacib olduğunu, növbəti 2 il ərzində yaradıcı məsələlərdə birləşmiş İttifaqın rəyini prioritet saymağı təklif edib.

Əlavə olaraq kinorejissor, “Nizami” Kino Mərkəzinin idarəçiliyinin birləşmiş İttifaqa həvalə edilməsini təklif edib. Kinorejissorun fikrincə, İttifaq kinoteatrın, kinomuzun mərkəzinə çevrilməsi istiqamətində fəaliyyət göstərməsi potensialına malikdir.