Azərbaycan Respublikasının Mərkəzi Bankı maliyyə xidmətləri istehlakçılarının və investorların hüquqlarının müdafiəsini, eyni zamanda onların müraciət etmək imkanlarının genişləndirilməsini daim diqqətdə saxladığını nəzərə alaraq növbəti addım atıb.

TIME rəsmi mənbəyə istinadən bildirir ki, artıq kağız daşıyıcı vasitəsilə daxil olan müraciətlərdə vətəndaşın mobil nömrəsi qeyd olunmuşdursa, həmin müraciətlərin qeydiyyatı və cavablandırılması barədə müraciət sahibinə SMS bildiriş göndəriləcəkdir.

Daha öncə isə yalnız elektron müraciət edən vətəndaşların elektron poçt ünvanlarına və mobil telefon nömrələrinə müraciətlərinin qeydiyyatı barədə bildirişlər göndərilirdi.