Elm və təhsil naziri Emin Əmrullayev brifinq keçirib.

TIME bildirir ki, elm və təhsil naziri Emin Əmrullayev brifinqdə çıxışı zamanı qeyd edib ki, bu il 33315 müəllim sertifikatlaşdırma prosessinə cəlb olunub.

“60 yaş üstü müəllimlərin sertifikatlaşdırma prosesində iştirak etməmə hüququ var. Lakin iki dəfə uğursuz olduqda əmək müqaviləsinə xitam verilə bilər”, – deyə nazir əlavə edib.

Onun sözlərinə görə, ötən il sertifikasiyada uğursuz olan müəllimlər bu il də uğursuz olsalar, əmək müqavilələrinə xitam veriləcək.

“Ötən il uğursuz olan müəllimlər üçün təlim mərkəzləri təşkil edilib. Lakin həmin mərkəzdə iştirakdan imtina edən müəllimlər var. Onların imtina səbəbləri nazirlik tərəfindən araşdırılır”, – deyə nazir qeyd edib.

Nazir eyni zamanda bildirib ki, bu il müəllimlərin işə qəbulunda 10 mindən çox vakansiya təqdim ediləcək planlaşdırılır.

“Növbəti həftədən müəllimlərin işə qəbulu üzrə imtahanlarda iştirak üçün elektron sənəd qəbulu başlayır. Bu il 8 minə yaxın müəllim eyni anda imtahan verə biləcək”,- deyə nazir əlavə edib.

Nazir dərs ilinin 1 sentyabr tarixində başlamasındanda bəhs edib. O qeyd edib ki, inkişaf etmiş ölkələrdə tətillər yayda yox, qışda olur. Azərbaycanda yay tətilləri 3 davam edir. Tədris müddəti nə qədər çox olsa, o qədər yaxşı olar.

“Uşaqlar indi daha az məktəbə gedir. Mən 10 il hər həftəsonu məktəbə getməklə indiki uşaqlardan 2 il artıq tədris almışam. Tədris ilinin uzun olması şagirdlərin gələcəyi üçün yaxşı olar. Fikrimcə, məktəblərdə sentyabrın 1-dən tədrisin başlaması daha uyğun olardı. Bu, sadəcə istəkdir”, – deyə o əlavə edib.