Ramazan bayramı ilə əlaqədar Bakı-Ağstafa-Bakı marşrutu üzrə 21, 23 və 24 aprel tarixlərinə əlavə reyslər təyin edilib.

TIME rəsmi mənbəyə istinadən bilirir ki, 21 aprel tarixində Bakı-Ağstafa marşrutu üzrə əlavə reyslə səhər saat 07:50-də Bakı Dəmiryol Vağzalından Ağstafaya yola düşən qatar saat 12:45-də mənzil başına çatacaq.

23-24 aprel tarixlərində Bakı-Ağstafa-Bakı marşrutu üzrə hər iki istiqamətə əlavə reyslə Bakıdan saat 08:25-də yola düşən qatar Ağstafaya saat 13:20-də, Ağstafadan saat 15:30-da Bakıya yola düşən qatar isə Bakı Dəmiryol Vağzalına saat 20:25-də çatacaq.