İnflyasiyaya təsir edən bir sıra amillər dövlət tərəfindən tənzimlənir.

TIME rəsmi mənbəyə istinadən bildirir ki, maliyyə naziri Samir Şərifov bu gün Milli Məclisin İqtisadi siyasət, sənaye və sahibkarlıq komitəsinin iclasında 2023-cü ilin dövlət büdcəsi ilə bağlı müzakirələrdə onuda qeyd edib ki, başqa ölkələrdə yanacaq qiyməti inflyasiyaya ciddi təsir edir.

Azərbaycanda isə belə deyil, bu istiqamətdə dövlət nəzarəti inflyasiyanı kifayət qədər cilovlayan amildir.

Nazir çıxışında bildirib ki, Azərbaycanda milli valyutanın məzənnəsi sabitdir.

“Bir çox qonşu ölkələrin valyuta məzənnələri mövcud vəziyyətlə bağlı xeyli dəyər itirib. Dövlət tərəfindən, Mərkəzi Bank tərəfindən bu sahədə koordinasiya tədbirləri görülməklə sabit məzənnənin saxlanılması üzrə bizdə tam konsensus var. Lakin məzənnə şübhəsiz inflyasiyaya mənfi təsir göstərir”, – deyə nazir əlavə edib.