Bakıda təcavüzə məruz qalan 13 yaşlı qız ana olub.

TIME bildirir ki, hadisə ilə bağlı Azərbaycan Uşaqlar Birliyinin sədri Kəmalə Ağazadə Facebook sosial şəbəkəsində paylaşım edib: “Bəlkə yuxudaydım: “Kəmalə xala,13 yaşım var,təcavüzdən uşağım doğulub…” Yuxuda deyildim…Uşağın dedikləri məni bu gecə yuxu görməyə həsrət qoydu…Dünən ev şəraitində 13 yaşlı qız dünyaya uşaq gətirib. Xəstəxanaya yerləşdirilib. Doğulan uşaq sağdır,13 yaşlı ana isə sığınacağımıza yerləşməyini xahiş edir…”

TƏBİB-in verdiyi məlumata əsasən, qurumun tabeliyində fəaliyyət göstərən Bakı Şəhəri Təcili və Təxirəsalınmaz Tibbi Yardım Stansiyasına dünən günorta saatlarında Sabunçu rayonundan ev şəraitində doğuş hadisəsinin baş verməsi ilə bağlı çağırış daxil olub.

Təcili tibbi yardım briqadası tərəfindən 2009-cu il təvəllüdlü anaya doğuş sonrası ağırlaşmanın qarşısını almaq məqsədilə ilkin tibbi yardım göstərilib və yenidoğulmuş oğlan uşağı ilə zahı qadın TƏBİB-in Elmi-Tədqiqat Mamalıq və Ginekologiya İnstitutuna hospitalizasiya olunub:

“Hazırda ana və uşağın tibb müəssisəsində müalicələri davam etdirilir, onalrın vəziyyəti stabildir, Uşağın çəkisi 3 600 qramdır. Məsələ ilə bağlı hüquq-mühafizə orqanlarına məlumat verilib”.