II ixtisas qrupu üzrə Azərbaycan Dövlət Aqrar Universitetinin boş qalan plan yerlərinə ixtisas seçimi etmək hüququ olan abituriyentlər daha bir ixtisası seçə bilərlər.

TIME rəsmi mənbəyə istinadən bildirir ki, sentyabrın 7-dək ixtisas seçimi aparılan 2022/2023-cü tədris ili üçün ali təhsil müəssisələrinin boş plan yerlərinin siyahısına Azərbaycan Dövlət Aqrar Universitetinin aşağıda qeyd olunan ixtisası əlavə edilib:

Kodu	Adı	Qrupu	Təhsilalma forması	Plan	Təhsil haqqı (manatla)
144488	İqtisadiyyat	II	Əyani	25	–

Bu ixtisas üzrə kadr hazırlığı Türkiyənin Ege Universiteti ilə birgə aparılır və beynəlxalq ikili diplom proqramı Azərbaycan Respublikası Prezidentinin 2018-ci il 16 noyabr tarixli 711 nömrəli Sərəncamı ilə təsdiq edilmiş “2019-2023-cü illər üçün Azərbaycan Respublikasında ali təhsil sisteminin beynəxalq rəqabətliliyinin artırılması üzrə Dövlət Proqramı” çərçivəsində maliyyələşdirilir.

Qəbul ödənişli əsaslarla aparılır, qəbul olan tələbələrin təhsil haqqı qeyd olunan proqram tərəfindən maliyyələşdirilir.