Azərbaycan Respublikası Prezidenti İlham Əliyevin Sərəncamına əsasən ictimai-siyasi xadim Fəzail Ağamalı orden ilə təltif edilib.

TIME rəsmi mənbəyə istinadən bildirir ki, Azərbaycan Respublikasının ictimai-siyasi həyatında uzunmüddətli səmərəli fəaliyyətinə görə Fəzail Rəhim oğlu Ağamalı 2-ci dərəcəli “Vətənə xidmətə görə” ordeni ilə təltif edilib.

Fəzail Rəhim oğlu Ağamalı Azərbaycanın tanınmış ictimai-siyasi xadimi, Ana Vətən Partiyasının sədri, Azərbaycan Milli Məclisinin deputatıdır.

Fəzail Ağamalı 1993–1994-cü illərdə Azərbaycan Respublikasının Əmək və Əhalinin Sosial Müdafiəsi naziri, 1992–1993-cu illərdə Azərbaycan Respublikasının Sosial Təminat nazirinin müavini vəzifələrini icra edib, tarix elmləri doktoru, professordur.