Azərbaycanın ilk 5G mobil rabitə operatoru “Azercell Telekom” MMC-nin fakturasız (SimSim) xətt sistemində abunəçilərə təqdim edilən “Veteran” kampaniyasına yeni qoşulmalar avqustun 24-dən etibarən dayandırılıb.

TIME rəsmi mənbəyə istinadən bildirir ki, həmin kampaniyaya göstərilən tarixədək  qoşulan abunəçilər kampaniyadan imtina etmədikləri təqdirdə istifadəyə davam edə biləcəklər.

Eyni zamanda nəzərinizə çatdırırıq ki, “Azercell Telekom” MMC-nin fakturasız (SimSim) xətt sisteminə aid nömrələrin abunəçiləri “Veteran” tarif paketinə qoşula bilərlər.

Abunəçilər göstərilən dəyişikliklər, “Veteran” kampaniyası və “Veteran” tarif paketinin şərtləri barədə, o cümlədən “Azercell Telekom” MMC tərəfindən təqdim edilən xidmətlər, tariflər və keçirilən kampaniyalar barədə ətraflı məlumatları rəsmi internet səhifəmizdən (www.azercell.com), həmçinin Müştəri Xidmətlərinə (MX və ya Eksklüziv ofisləri, həftənin 7 günü 24 saat ərzində fəaliyyət göstərən Telefon Mərkəzi) müraciət etməklə əldə etmək imkanına malikdirlər.

Qeyd edək ki, tarif paketi 2021-ci il noyabrın 8-dən etibarən istifadəyə verilib. Veteranlar üçün ayrılmış nömrələr pulsuz təqdim edilirdi (pulsuz nömrələr 31.12.2022 tarixinədək təqdim ediləcəkdi). Nömrə aktiv edildikdən sonra “Xoş gəldin” kampaniyası çərçivəsində balansa 3 manat məbləğində bonus yüklənilir.