Azərbaycanın Aran rayonları ötən il 18 yaşadək yeniyetmə-analar tərəfindən doğulan uşaqların sayına görə reytinqin lideri olublar.

TIME “Gender bərabərliyinin təmin edilməsinə nəzarəti həyata keçirən icra hakimiyyəti orqanının illik məlumatı”na istinadən bildirir ki, 2020-ci ildə 18 yaşadək analar tərəfindən doğulan uşaqların ümumi sayı 1917 nəfər təşkil edib.

Məlumatda qeyd edilib ki, 2020-ci ildə 18 yaşadək analar tərəfindən doğulan uşaqların sayı 2019-cu ilə nisbətən 17% azalıb.

Onlardan Aran iqtisadi rayonu üzrə 698 nəfər, Gəncə-Qazax iqtisadi rayonu üzrə 325 nəfər, Lənkəran iqtisadi rayonu üzrə 306 nəfər və Dağlıq Şirvan iqtisadi rayonu üzrə 109 nəfər qeydə alınıb. Ən az göstərici isə Kəlbəcər-Laçın iqtisadi rayonu üzrə 40 nəfər olmaqla qeydə alınıb.

Onuda qeyd etmək lazımdır ki, ötən il 165 nəfər 15 yaşınadək qızın nikahı icra hakimiyyətləri tərəfindən qeydə alınıb.