Azərbaycanda yaşayış binalarının layihələndirməsi ilə bağlı yeni qaydalar müəyyən olunur.

TIME rəsmi mənbəyə istinadən bildirir ki, bu barədə məsələ Dövlət Şəhərsalma və Arxitektura Komitəsinin Kollegiyasının təsdiqlədiyi “Yaşayış binaları. Layihələndirmə normaları”nda öz əksini tapıb.

Belə ki, damda radiorele dirəklərinin və qüllələrinin quraşdırılması qadağan edilir.

Azərbaycanda yaşayış binalarının damında verilişlərin kollektiv qəbulu üçün televiziya anteni və radio verilişi şəbəkə dirəyinin quraşdırılması nəzərdə tutulmalıdır.

Normalara əsasən, mənzillərdə yataq otaqları digər otağa keçid kimi layihələndirilməməlidir və otaqların sahəsi aşağıdakılardan az olmamalıdır:

– birotaqlı mənzildə ümumi otaq – 15 m²-dən;

-birotaqlı mənzillərin girişində qarderob – 2,5 m²-dən;

– iki və daha çox otaqlı mənzillərdə ümumi otaq – 16 m²-dən;

– yataq otağı – 8 m² (iki adama – 10 m²-dən);

– mətbəx – 8 m²-dən;

– mətbəx-yemək otağında mətbəx zonası – 6 m²-dən.

Birotaqlı mənzillərdə sahəsi 5 m²-dən az olmayan taxça-mətbəxin layihələndirilməsinə yol verilir. Mansarda mərtəbəsində (və ya maili xarici divarı olan mərtəbədə) yataq otağı və mətbəxin sahəsinin 7 m² -dən az olmamaqla qəbul edilməsinə yol verilir, bu halda ümumi yaşayış otağının sahəsi 16 m²-dən az olmamalıdır.

Yaşayış otaqlarının və mətbəxin hündürlüyü 2,7 m-dən az olmamalıdır. Mansarda mərtəbələrinin yüksək hissəsində hündürlüyü (döşəmədən tavanadək) 2,7 m-dən az olmamalıdır. Mənzildaxili dəhlizlərin, holların, antresolların (və onların alt hissələrinin) hündürlükləri insanların hərəkətinin təhlükəsizliyini təmin etmək şərtilə 2,1 m-dən az olmamalıdır.

Normalarda qeyd olunur ki, Azərbaycan Respublikasının iqlim şəraitində yaşayış binalarında lociya və balkonların layihələndirilməsi zəruridir. Bu zaman lociya və balkonların layihələndirilməsi üçün əlverişsiz şərait və hallar nəzərə alınmalıdır.

Lociya və balkonların layihələndirilməsi üçün əlverişsiz hallar aşağıdakı kimi müəyyən edilir:

– nəqliyyat magistrallarından və ya sənaye ərazilərindən gələn səs-küyün səviyyəsi yaşayış binalarının fasadının qarşısında 75 dB və daha artıq olduqda;

– yay aylarında 15 gün və daha artıq müddətə havadakı tozun miqdarı 1,5 mq/m3 və daha artıq olduqda.

Bundan başqa, normalara əsasən, yaşayış binalarında yaşayış otaqlarının (otaq, qonaq otağı və yataq otağı) kürsülük və zirzəmi mərtəbələrində yerləşdirilməsi yolverilməzdir.

Mənzilin yaşayış otaqlarının və digər sahələrinin ölçüləri erqonomikanın tələblərinə uyğun yerləşdirilən zəruri avadanlıq və mebelin yerləşdirilməsindən asılı olaraq müəyyənləşdirilir.

Yeni normalara əsasən, insanlara zərərli təsir göstərən aşağıdakı obyektlər istisna olmaqla, yaşayış binasının zirzəmi, kürsülük, birinci və ikinci mərtəbələrində ictimai təyinatlı obyektlərin yerləşdirilməsinə yol verilir:

– istismarı zamanı yaşayış ərazisini və ətraf mühiti çirkləndirə bilən kimyəvi və digər məmulatların ixtisaslaşdırılmış satış mağazaları;

– partlayış və yanğın təhlükəli maddə və materiallar satılan mağazalar;

– sintetik xalça məmulatlarının, avtomobil şinlərinın satışı mağazaları;

– ixtisaslaşmış balıq mağazaları;

– müxtəlif təyinatlı anbarlar, o cümlədən topdansatış anbarları;

– saat 23:00-dan sonra iş rejimi olan bütün müəssisələr və mağazalar;