Türkiyə Prezidenti Rəcəb Tayyib Ərdoğan İğdır-Naxçıvan qaz boru kəməri layihəsinin reallaşması üçün kommunikasiya xətlərinin çəkilməsi və digər işlərin görülməsi barədə qərar verib.

Xarici mətbuatın verdiyi məlumatlara əsasən,  İğdır-Naxçıvan qaz boru kəməri layihəsi çərçivəsində nəzərdə tutulan bu işləri TPAO (Türkiye Petrolleri Anonim Ortaklığı) şirkəti həyata keçirəcək.

Qeyd edək ki, Azərbaycanla Türkiyə arasında imzalanmış Anlaşma Memorandumuna əsasən İğdır-Naxçıvan qaz kəmərinin tikintisinin bir il ərzində başa çatması planlaşdırılır.

İğdır-Naxçıvan qaz kəməri layihəsinə əsasən İğdır şəhərindən Naxçıvana (Sədərək) 85 km boru kəməri çəkiləcək. Boru kəməri SOCAR və Türkiyənin “BOTAŞ” şirkətinin birgə əməkdaşlığı ilə inşa olunacaq.