Bu gün Milli Məclisin növbəti plenar iclası işə başlayıb.

TIME rəsmi mənbəyə istinadən bildirir ki, iclasda komendant saatının ləğv edilməsi müzakirə ediləcək.

Azərbaycan Respublikasının Prezidenti İlham Əliyevin 2020-ci il dekabrın 12-də saat 00.00-dan Hərbi vəziyyətin ləğv olunması haqqında Fərmanının təsdiq edilməsi barədə Milli Məclisin Qərarı iclasın gündəliyinə daxil olan ilk məsələdir.

Xatırladaq ki, Azərbaycanda hərbi vəziyyət və komendant saatı erməni təxribatları nəticəsində başlayan və 44 gün davam edən müharibə ilə əlaqədar tətbiq edilmişdi.