Azərbaycan Turizm Agentlikləri Assosiasiyası turizm şirkətlərinə müraciət edib.
TIME rəsmi mənbəyə istinadən bildirir ki, müraciətdə Azərbaycan Turizm Agentlikləri Assosiasiyası, Nazirlər Kabineti yanında Operativ Qərargahın göstərişlərinə əsasən karantin şərtlərinin yumşaldılması, bir sıra fəaliyyət sahələrinin bərpası, eləcə də rayonlara giriş-çıxışa tətbiq edilən məhdudiyyət aradan qaldırıldığı üçün uzun müddət fəaliyyət göstərməyən turizm şirkətləri yenidən öz işini bərpa etməyə icazə verildiyini qeyd edib.
“Azərbaycan Turizm Agentlikləri Assosiasiyası olaraq turizmin bu çətin dönəmində fəaliyyətini davam etdirən bütün turizm şirkətlərinə işlərində uğurlar diləyirik. İnanırıq ki, qısa zamanda hökumətin və turizmlə birbaşa əlaqəsi olan dövlət qurumlarının dəstəyi və yardımı ilə bu böhran vəziyyətindən də çıxa biləcəyik. Bir daha turizm şirkətlərinə müraciət edərək, metodiki göstərişlərin tələblərinə əməl etməyə, vətəndaşların və işçi personalının sağlamlığına xüsusi önəm verməyə çağırırıq”, – deyə müraciətdə qeyd edilib.
Metodiki göstərişlərlə aşağıdakı keçidlərə daxil olmaqla tanış ola bilərsiniz.
TIME 