COVID-19 pandemiyası ilə bağlı tətbiq edilmiş karantin rejimi ilə bağlı həftəsonu Bakıda müntəzəm və ekspress xətlər üzrə avtobusların fəaliyyəti dayandırılır, dezinfeksiya işləri aparılacaq.

TIME bildirir ki, müntəzəm və ekspress xətlər üzrə avtobusların fəaliyyəti xüsusi karantin rejimi qaydalarına uyğun olaraq 29 avqust gecə 00:00-dan dayandırılır.

Bakı şəhərində ictimai nəqliyyat vasitələrinin işi yenidən 31 avqust səhər saat 06:00-dan bərpa ediləcək.

Sabah Bakıda həmçinin növbəti şənbə dezinfeksiya işləri aparılacaq. Səhər saatlarından etibarən şəhərin mərkəzi küçələrində və qəsəbələrdəki əsas küçə, prospekt və yollarda xüsusi kimyəvi maddələrlə dezinfeksiya işləri aparılacaq.

Nəzərə alaraq ki, dezinfeksiya işlərində istifadə edilən maddələr müəyyən dərəcədə toksikdirlər, sakinlərdən ciddi zərurət yaranmadığı halda sabah küçəyə çıxmamaq xahiş olunur.